Rossiya IIV RIT rezidentlari xodimlari uchun imtihonlarni bekor qilishni taklif qildi

«Rossiya Federatsiyasida chet el fuqarolarining huquqiy holati toʻgʻrisida»gi qonunga oʻzgartirishlar loyihasi 12-oktabrda eʼlon qilindi. Tuzatishlar RF bosh vaziri oʻrinbosari va prezidentning Uzoq Sharq federal okrugidagi vakolatli vakili Yuriy Trutnev huzuridagi 2026-yil 29-apreldagi yigʻilish bayonini ijro etish maqsadida ishlab chiqilgan. Taklif etilayotgan choralar kelib chiqish mamlakatidan qatʼi nazar, chet el fuqarolariga tatbiq etiladi.

Idorada majburiy imtihonlarning bekor qilinishi ish beruvchilarga xorijiy mutaxassislarni tezroq ishga olishga yordam berishi va investitsiya muhitini yaxshilashini tushuntirishdi. Tushuntirish xatiga koʻra, Rossiyada 1,5 mingdan ortiq rezidentga ega 90 dan ortiq rivojlanish jadallashtirilgan hududlar mavjud boʻlib, ular 140 mingdan ziyod ish oʻrinlari yaratgan, shu bilan birga korxonalar kadrlar taqchilligini boshdan kechirmoqda. RF Iqtisodiy rivojlanish vazirligi Uzoq Sharqda 16 ta va Arktika zonasida ikkita RIT faoliyat koʻrsatayotganini qayd etadi.

Tashabbus hozircha qonun loyihasi bosqichida boʻlib, rasmiy qaror qabul qilingunga qadar imtihon topshirishning umumiy tartibi amal qiladi. Oʻzbekiston Migratsiya agentligi tuzatishlar koʻrib chiqilishini kuzatib borayotgani va qaror qabul qilingandan soʻng fuqarolarni xabardor qilishini maʼlum qildi.