Qoraqalpogʻistonning ikki tumani shifokorlariga 200 foizgacha ustamalar joriy etiladi

Oshirilgan toʻlovlar shifokorlarni olis tumanlarda ishlashga ragʻbatlantirishga qaratilgan. Davlat rahbarining tashrifi davomida taʼkidlanganidek, bunday ustamalar Moʻynoq tumanidagi shifokorlar uchun allaqachon amal qilmoqda.

Yigʻilish davomida mintaqada sogʻliqni saqlash sohasining rivojlanishi boʻyicha ham maʼlumotlar keltirildi: tibbiyot muassasalari 10 million dollarlik uskunalar bilan taʼminlandi, bundan tashqari, tibbiy sugʻurta mexanizmi joriy etildi. Yil boshidan buyon Qoraqalpogʻistonda 1,5 mingta murakkab jarrohlik amaliyotlari, jumladan, yurak va bosh miyada, shuningdek, plastik jarrohlik sohasida operatsiyalar oʻtkazildi. Nukus markaziy shifoxonasida buyrak va jigar transplantatsiyasi amalga oshirilmoqda, Orolboʻyi bolalar shifoxonasida esa yuqori texnologiyali yordamning 150 turi koʻrsatilmoqda.

Bundan tashqari, Nukusda mutaxassislarni attestatsiyadan oʻtkazish va malakasini oshirish uchun davlat-xususiy sheriklik asosida tibbiyot fan akademiyasi tashkil etildi. Kelgusida uni, bolalar klinikasini, onkologiya markazini va yangi koʻp tarmoqli shifoxonani Universitet tibbiyot klasteriga birlashtirish rejalashtirilmoqda.