Senat qurilish sohasida korrupsiyaga qarshi kurashish natijalarini koʻrib chiqdi

UzDaily xabariga koʻra, Qurilish va uy-joy kommunal xoʻjaligi vazirligi tizimidagi funksional baholash korrupsiya xavfi past boʻlgan 95 ta, oʻrtacha boʻlgan 10 ta va yuqori darajadagi bitta yoʻnalishni aniqladi. Arxitektura nazorati davomida qonunchilik buzilishi boʻyicha 1,65 mingtaga yaqin holat hamda 1,1 mingta oʻzboshimchalik bilan qurilgan obyekt qayd etildi. 624 ta holatda maʼmuriy jazo choralari tayinlandi, qoʻllanilgan jarimalarning umumiy summasi esa 68,6 mlrd soʻmga yetdi.

Nazorat raqamli xizmatlar yordamida ham kuchaytirildi. "Shaffof qurilish" tizimi "Notarius", "E-ma’muriy ish", "Adolat" va "UzKad" platformalari bilan bogʻlanib, noqonuniy qurilishlarni avtomatik qidirish joriy etildi. Davlat xaridlarining masofaviy auditi mexanizmi 3 mlrd soʻmlik xaridlardagi qonunbuzarliklarning oldini oldi, 869,5 mln soʻmlik qonunbuzarlik holatlari boʻyicha materiallar esa huquqni muhofaza qiluvchi organlarga yuborildi. Bundan tashqari, idora 105 ta hujjatni dolzarblashtirdi: 76 ta meʼyor majburiy maqomidan mahrum boʻlib, tavsiyaviy toifaga oʻtkazildi.

Majlis yakunlari boʻyicha Senat qaror qabul qilib, unda vazirlikka xavflarni tizimli baholash, manfaatlar toʻqnashuvi toʻgʻrisidagi deklaratsiyalarni sinchkovlik bilan tekshirish, xaridlar shaffofligini taʼminlash hamda qonunbuzarliklarning tizimli omillarini bartaraf etish topshirildi.