Oʻzbekistonda maʼmuriy sudlar vakolatlarini kengaytirish taklif qilindi

Taqdim etilgan tashabbuslarga koʻra, amaldagi bitta turdagi daʼvo arizasi oʻrniga toʻrt turdagi daʼvo arizasini kiritish, shuningdek, belgilangan olti oylik ariza berish muddatini qayta koʻrib chiqish rejalashtirilmoqda. Fuqarolarga davlat organi tomonidan qonunchilik buzilganini tan olish toʻgʻrisida muddat cheklovisiz daʼvo arizasi berish imkoniyatini taqdim etish taklif qilinmoqda.

Bundan tashqari, agar mahalliy davlat hokimiyati organlarining hujjatlari fuqarolarning huquqlarini buzsa, ularni toʻgʻridan toʻgʻri sudda shikoyat qilishga ruxsat berish koʻzda tutilgan. Shuningdek, maʼmuriy sudlarga biznes va fuqarolarga taʼsir choralari qoʻllanilayotganda mansabdor shaxslar tomonidan diskretsion vakolatlardan foydalanishning qonuniyligi va asosliligini tekshirish huquqini berish taklif etilmoqda.

Sud qarorlari ijrosi qismida chora nazarda tutilgan: agar mansabdor shaxs jarima qoʻllanilgandan soʻng ham sud qarorini yana bajarmasa, sud prokurorga bildirishnoma yuboradi. Davlat rahbari taqdim etilgan tashabbuslarni qoʻllab-quvvatladi.

Hisobot maʼlumotlariga koʻra, 2017-yil 1-iyuldan buyon mamlakat maʼmuriy sudlari 150 mingga yaqin ishni koʻrib chiqdi, davlat organlarining 70 mingdan ortiq qarorini bekor qildi va 27 mingga yaqin xususiy ajrim chiqardi.